Aktualitet

“Ka një element tronditës…”/ Detaje të reja nga vrasja e Erjon Pelivanit në Greqi

Shkruar nga Liberale
“Ka një element tronditës…”/ Detaje të reja

Detaje të reja kanë dalë në dritë nga ngjarja që ndodhi në Greqi, ku 50-vjeçari shqiptar, Fatmir Tarellari vrau kunatin e tij (vëllain e bashkëshortes) Erjon Pelivani, pasi mori vesh se i kishte përdhunuar vajzën.

Mediat vendase kanë publikuar dëshminë e vajzës së abuzuar, e cila ka rrëfyer se kërcënohej nga dhunuesi me publikimin e videove dhe fotove intime, në këmbim të parave.

“ Autori e ka kuptuar përmasat e pasojave të veprimit të tij dhe e vetmja gjë që e shqetëson është e ardhmja e fëmijëve të tij. Ai pyet vetëm për fëmijët e tij dhe shqetësohet se si do të jetojnë pasi ai ishte mbështetës i tyre. I ka siguruar siguri në jetë, i ka mbështetur financiarisht”, tha avokati i autorit.

Në mbështetje të pretendimeve të 18-vjeçares, kanë dëshmuar dhe motrat e saj, ndërkohë që mësohet se mbi ngjarjen kanë pasur dijeni edhe persona të tjerë.

Në një prononcim për televizionin grek, Alexis Kougias, pjesë e mbrojtjes së autorit të vrasjes, tha se “ka një element tronditës” në çështjen që pritet të zbardhet në ditët në vijim.

“Ka një element tronditës, që është element zyrtar. Nuk dua të zbuloj asgjë më shumë. Megjithatë, ka një element që në një moment të pakundërshtueshëm, para se njeriu që unë mbroj të kryente aktin e kundërligjshëm pasi kishte mësuar se çfarë po kalonte vajza e tij, ajo ia kishte treguar më herët profesorit të saj në universitetin që ndjek”, theksoi z. Kougias.

Njëkohësisht persona nga ambienti i afërt i 18-vjeçares nxjerrin në dritë fakte të reja. Një mikeshë e saj raporton se 33-vjeçari e vizitonte në shkollë dhe e priste jashtë.

“Ai vinte jashtë shkollës, priste gjithmonë që vajza të mbaronte mësimin. Më herët ai ngacmonte vajza të tjera, madje ajo kishte ndërhyrë dhe i kishte thënë të ndalonte atë që po bën se ajo është shumë më e vogël se ai. Në përgjithësi ngacmonte vajza nën 18 vjeç”, rrëfen shoqja e 18-vjeçares.

Liberale Newsroom

Poll
SHQIPENGLISH