Ish-kryebashkiaku socialist i Kavajës, Elvis Roshi është paraqitur në SPAK, i shoqëruar me avokatin e tij. Mësohet se është marrë i pandehur dhe i është komunikuar akuza për shpërdorim detyre.
Burime për mediet bëjnë me dije se Roshi do të pyetet lidhur me çështjen për krim zgjedhor.
Kujtojmë se më herët atij i është sekuestruar celulari dhe janë ushtruar kontrolle në një ambient në pronësi të Roshit, ku u gjetën dhe u sekuestruan fatura, kupona nafte dhe lista zgjedhësish.
