Policia e Tiranës ka arrestuar një person, i cili mbante armë dhe municion luftarak në banesë.
“Nga ana e shërbimeve të Komisariatit të Policisë Nr.4, janë siguruar informacione për një shtetas që mbante armë zjarri pa leje, në banesë”, thuhet në njoftimin e policisë.
Në kuadër të operacionit policor “Ekol” u bë arrestimi i shtetasit V. K.
Ky shtetas ka qenë më parë i dënuar për vrasje në Gjermani.
Pas kontrollit në banesën e tij, policia gjeti dhe sekuestroi një armë zjarri pistoletë dhe municion luftarak.
