Lihen në burg autori Denis Meçe dhe me “detyrim paraqitje” 3 personat e tjerë të arrestuar për “moskallëzim krimi” dhe “veprime që pengojnë zbardhjen e të vërtetës”, lidhur me vrasjen e Egli Progës në qytetin e Pogradecit, konkretisht Voltan Shulku, Arian Manellari dhe Leonidha Guçe.

Prokuroria ka kërkuar masën e sigurisë “arrest në burg” për autorin, ndërsa kjo kërkesë u pranua nga gjyqtarja Luljeta Kole. Ndërsa, për tre të tjerët u la në masën e detyrim paraqitje.

Ndërkohë në ambientet e jashtme, ishin prezentë familjarë të viktimës. E motra e viktimës kërkon drejtësi për të vëllain.

‘Dua të shoh vrasësin e vëllait tim... ja kafsha’, dëgjohet ajo duke qarë me të madhe para gjykatës dhe në momentin e mbrritjes së autorëve.