Një konflikt ka ndodhur mes dy adoleshentëve në afërsi të gjimnazit “Raqi Qirinxhi”, në lagjen 10 të qytetit të Korçës.
Sipas policisë njëri prej tyre ka marrë dëmtime në fytyrë nga goditjet me grushte dhe ndodhet në spitalin e Korçës për të marrë ndihmën mjekësore.
Mësohet se konflikti fillimisht ka nisur verbal dhe më pas është agravuar deri në dhunë fizike mes tyre.
Shkaqet lidhen me motive banale të adoleshentëve, ndërsa policia ka shoqëruar njërin prej tyre në komisariat, ndërsa tjetri ndodhet ende në spital në kujdesin e mjekëve.
Ndërkohë, policia po merr deklarimet e adoleshentëve të përfshirë në konflikt.
