Blendi Hoxha është zyrtari që është përplas sot nga një automjet ndërsa kalonte vijat e bardha pranë Ministrisë së Jashtme.

Hoxha mban detyrën specialist i protokollit, pranë kësaj ministrie.

Pas përplasjes ai është dërguar te Trauma për mjekim.

Sipas një reagimi nga vetë Ministri i Jashtëm, Ilgli Hasani, i lënduari është transportuar me urgjencë në spital për të marrë ndihmën e nevojshme mjekësore.

“Kolegu ynë është jashtë rrezikut për jetën, në gjendje stabël dhe nën kujdesin e mjekëve të Spitalit të Traumës”, njofton Hasani. Ndërkohë, autoritetet përkatëse po punojnë për të sqaruar rrethanat e ngjarjes.

Reagimi i ministrit Igli Hasani:

Shpreh mirënjohjen time për Urgjencën Kombëtare, Spitalin e Traumës dhe Policinë e Shtetit për gatishmërinë dhe profesionalizmin e treguar në reagimin ndaj aksidentit të ndodhur pak orë më parë, ku një koleg i yni u përplas nga një automjet ndërsa po kalonte rrugën pranë Ministrisë për Evropën dhe Punët e Jashtme.

Ndërkohë që autoritetet përkatëse po punojnë për të sqaruar rrethanat e ngjarjes, dëshiroj të informoj se kolegu ynë është jashtë rrezikut për jetën, në gjendje stabël dhe nën kujdesin e mjekëve të Spitalit të Traumës.