Në Tiranë u zhvillua sot Samiti i Procesit të Bashkëpunimit të Evropës Juglindore (SEECP), nën drejtimin e Presidentit Bajram Begaj. Ai theksoi përparimin e Shqipërisë drejt Bashkimit Europian dhe rëndësinë e bashkëpunimit rajonal për paqen dhe zhvillimin ekonomik.
Në samit morën pjesë liderë dhe përfaqësues të lartë nga 13 vende anëtare të SEECP-së, si dhe përfaqësues të BE-së dhe institucioneve rajonale. Tema e samitit ishte “Nxitja e Stabilitetit dhe Prosperitetit përmes Bashkëpunimit Rajonal dhe Integrimit në BE”.
Për shkak të masave të sigurisë, policia njoftoi bllokime të përkohshme të disa rrugëve kryesore të kryeqytetit, në orare të caktuara sipas lëvizjes së delegacioneve.
Shqipëria përmbyll presidencën njëvjeçare të SEECP-së, duke ia kaluar drejtimin Bullgarisë për vitin e ardhshëm.
/S.B/Liberale.al/
