Aktualitet

EMRAT/ Zbulohet “shtëpia e barit” në Malësi të Madhe, prangoset 23-vjeçari, në kërkim pronari! Procedohen 5 punonjës të OSHEE-së

Shkruar nga Liberale

EMRAT/ Zbulohet “shtëpia e barit” në Malësi të

Një 23-vjeçar është arrestuar nga policia në Malësinë e Madhe. Uniformat blu njoftojnë se i riu kishte përshtatur një banesë dykatëshe, për kultivim të kanabisit, me anë të llambave.

Mësohet se në pranga ka rënë 23 vjeçari Xhoni Gjekaj, ndërsa është shpallur në kërkim Françesk Macorajn, pronari i banesës dykatëshe, ku kultivohej kanabisi.

Nën hetim janë vënë edhe pesë punonjës të OSHEE-së për shpërdorim detyre.

Njoftimi: 

Finalizohet operacioni policor i koduar “LED”, për goditjen e kultivimit të bimëve narkotike.


Kishin përshtatur një banesë dykatëshe, për kultivim të kanabisit, me anë të llambave, vihet në pranga një 23-vjeçar, shpallet në kërkim pronari i banesës.

Procedohen penalisht dhe 5 punonjës të OSHEE-së, për “Shpërdorim detyre”.

Sekuestrohen 145 bimë kanabis të kultivuara në vazo, në ambientet e përshtatura me llamba, 64 llamba, 64 rritës energjie, 2 kilogramë kanabis dhe sende të tjera që shërbenin për kultivimin.

Shërbimet e Komisariatit të Policisë Malësi e Madhe, në vijim të kontrolleve të ushtruara për parandalimin e tentativave për kultivim të bimëve narkoitke, bazuar dhe në inteligjencën policore, për përshtatjen e një ambienti, për kultivimin e bimëve narkotike, organizuan dhe finalizuan operacionin policor antikanabis të koduar “LED”.

Gjatë kontrollit të ushtruar në një banesë dykatëshe në fshatin Bzhetë, në një ambient të përshtatur me llamba, u gjetën të kultivuara 145 bimë të dyshuara narkotike cannabis sativa, një sasi lënde e dyshuar narkotike cannabis, 64 llampa, 64 rritës energjie dhe sende të tjera që shërbenin për kultivimin.

Shërbimet e Komisariatit të Policisë Malësi e Madhe kanë arrestuar në flagrancë shtetasin Xh. Gj., 23 vjeç dhe kanë shpallur në kërkim shtetasin F. M., 30 vjeç, për veprën penale “Kultivimi i bimëve narkotike”. Gjithashtu kanë referuar materialet në Prokurori ku ka nisur procedimi në gjendje të lirë për shtetasit E. C., 35 vjeç, A. H., 51 vjeç, P. Z., 54 vjeç, P. S., 61 vjeç dhe S. H., 55 vjeç, të gjithë punonjës të OSHEE-së, për veprën penale “Shpërdorimi i detyrës”.

Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Liberale Newsroom

Poll
SHQIPENGLISH