Aktualitet

Dhunohet fizikisht punonjësi i AMA-s, reagon Kryetarja Krasniqi: Shkelësit do të marrin dënimin e merituar!

Shkruar nga Liberale

Dhunohet fizikisht punonjësi i AMA-s, reagon Kryetarja Krasniqi:

Një punonjës i grupit të inspektimit të Autoritetit të Mediave Audiovizive është dhunuar fizikisht ditën e sotme në zyrat e institucionit, nga përfaqësuesi i një subjekti ISP (Internet Service Provider), i cili ishte ndëshkuar për aktivitet të palicencuar nga AMA.

Ka qenë vetë Kryetarja e AMA-s, Armela Krasniqi, e cila ka bërë të ditur lajmin, përmes një postimi në rrjete sociale, duke dënuar rastin.

Në reagimin e Krasniqit thuhet se subjekti ISP ishte dënuar sipas ligjit, për shkak të ushtrimit të aktivitetit të palicencuar nga AMA, gjë që ka sjellë edhe dhunimin e një prej punonjësve, i cili ishte në krye të detyrës.

Reagimi i plotë i kryetares së AMA-s, Armela Krasniqi:


Dënoj me forcë dhunën e ushtruar sot ndaj një punonjësi të AMA-s, në ambientet e institucionit, nga përfaqësuesi i një subjekti ISP, i ndëshkuar sipas ligjit, për aktivitet të palicencuar nga AMA. Si burim i shkeljeve më të mëdha ligjore, sidomos transmetimeve pa licence apo piraterisë së përmbajtjeve audiovizive, subjektet ISP janë prej kohësh nën vëzhgimin e rreptë të ekipeve tona të punës. Çdo rast i paligjshëm është ndëshkuar sipas legjislacionit në fuqi.

Sot, një shkelës i ligjit ka dhunuar fizikisht një prej anëtarëve të ekipit të inspektimit, i cili ishte në krye te detyrës. Shpreh bindjen dhe besimin se institucionet e rendit dhe drejtësisë do të bëjnë më së miri punën e tyre, për këtë incident të turpshëm dhe të paprecedent. Rregullimi i tregut audioviziv, ligjshmëria e tij, lufta kundër piraterisë në të gjitha format e shfaqjes së saj, është misioni ynë dhe puna jonë e çdo dite. Prandaj për individë të tillë kam vetëm një mesazh: Çdo shkelës do të marrë dënimin sipas ligjit.

Liberale Newsroom

Poll
SHQIPENGLISH