Aktualitet

Altin Dumani prezanton me shifra raportin vjetor të SPAK: 41 mln euro pasuri të sekuestruara gjatë vitit 2023

Shkruar nga Liberale

Altin Dumani prezanton me shifra raportin vjetor të SPAK: 41 mln euro

Kreu i SPAK, Altin Dumani po mban fjalën në Komisionin për Çështjet Ligjore, Administratën Publike dhe të Drejtat e Njeriut.

Në seancën dëgjimore për Raportin Vjetor të veprimtarisë së Prokurorisë së Posaçme Kundër Korrupsionit dhe Krimit të Organizuar(SPAK) gjatë vitit 2023, Dumani listoi arritjet e SPAK përgjatë viti 2023.

Në fjalën e tij Dumani tha se janë rritur kërkesat pëe ekstradime, ndërsa tha se mbi 41 mln pasuri janë sekuestruar.

"E gjithë trupa e SPAK ka hetuar 820 materiale, për të cilat 113 materiale nuk është vendosur nisja e hetimit. Në gjykatë janë dërguar 53 kërkesa për gjykim, 38 kërkesa me natyrë korruptive. Janë sekuestruar pasuri me vlerë 41 milionë euro. Ne jemi prokurorë dhe jo vizitorë, ne mbledhim prova dhe nuk akuzojmë pa to. Shifrat janë kokëforte në lidhje me politikat penale.

Mesa arrest me burg zë vetëm 49% të totalit për të cilat është kërkuar një masë sigurie. Totali i burgosjes me urdhër të SPAK është 8.5%. Sa i takon bashkëpunimit me institucionet ndërkombëtare, kemi arritur që të kemi besueshmëri dhe bashkëpunim me institucione partnere."- tha Dumani. 

Liberale Newsroom

Poll
SHQIPENGLISH