Një aksident i rëndë ka ndodhur në orët e para të mëngjesit të djeshëm në autostradën Tiranë-Durrës.
Policia bën me dije se në autostradën Tiranë-Durrës, shtetasi A. T., 18 vjeç, duke drejtuar mjetin tip “Volkswagen”, ka humbur kontrollin mbi drejtimin e tij dhe automjeti ka dalë nga rruga duke rënë në kanal.
I riu është dërguar në spital për ndihmë mjekësore, por si pasojë e dëmtimeve të marra, fatkeqësisht ka ndërruar jetë më pas.
"Më datë 22.08.2024, rreth orëve të para të mëngjesit, në autostradën Tiranë-Durrës, shtetasi A. T., 18 vjeç, duke drejtuar mjetin tip “Volksëagen”, ka humbur kontrollin mbi drejtimin e tij dhe automjeti ka dalë nga rruga duke rënë në kanal. Drejtuesi i mjetit është dërguar në spital për ndihmë mjekësore, por si pasojë e dëmtimeve të marra ka ndërruar jetë më pas."- njofton Policia.
