Aktualitet

" Meshkujt shqiptarë nuk dinë të bëjnë s*ks", mjeku habit me deklaratën

Shkruar nga Liberale

" Meshkujt shqiptarë nuk dinë të bëjnë s*ks",

Gjinekologu Shkëlqim Balili ka folur sot për marrëdhënien seksuale tek çiftet shqiptare. Ai bëri një deklaratë paksa jo të zakonshme, duke u shprehur se " në Shqipëri meshkujt nuk dinë të kryejnë marrëdhënie".

Sipas  tij burri duhet të jetë dirigjenti i aktit seksual”, i cili duhet të gjejë edhe arsyen përse “violina e vogël” nuk punon.

"Dua t’ju them që marrëdhënia seksuale ose seksi, është biologji, është natyrë, është jetë. Seksi, meqë është një nevojë biologjike, është një nevojë e mirëqenies, e mbijetesës dhe e jetëgjatësisë. Po ta marrim në kuptimin mjekësor, seksi ka mbi 20 të mira fondamentale, thelbësore. Seksi duhet kuptuar si një biologji dhe jo si një seks mekanik.

Dhe çifti, që të arrijë në një marrëdhënie seksuale, nuk mund të arrijë menjëherë, me një pamje ose me një shikim, me një formë trupi, me një shikim në rrugë. Seksi kërkon patjetër një afrimitet, kërkon një miqësi, kërkon një dashuri, kërkon intimitet. Intimiteti është baza që ruan lidhjen, që ruan lumturin, që ruan komoditetin, që ruan gjithçka.

Seksi bashkon një evropian me një afrikan, bashkon dy njerëz që nuk njeh fare dhe që i lidh njohja, i lidh afrimiteti, i lidh dashuria. Për shembull, unë di të them që në Shqipëri seksin nuk dinë ta bëjnë.", tha mjeku në emisionin “Shije Shtëpie” në Tv Klan

Katerina Trungu: Por pse mendon kështu doktor?

Shkëlqim Balili: E para, epiqendrën e drejtimit të seksit e ka burri. Burri është ai që vendos. Unë e kam thënë edhe në një bisedë tjetër, burri duhet të jetë dirigjenti i aktit seksual, madje të gjejë edhe violinën e vogël përse nuk punon. Dhe e dyta është kjo: seksi ka faza. Meshkujt janë sprint, femrat janë maratonë. Burrat janë sprint, madje janë kërkues, shpeshherë janë të paaftë. Seksi kërkon kohë, biologjikisht, femrës i kërkon kohë.

Liberale Newsroom

Poll
SHQIPENGLISH