Aktualitet

Shpërndante kokainë në zona të ndryshme të Tiranës, arrestohet 27-vjeçari

Shkruar nga Liberale
Shpërndante kokainë në zona të ndryshme të

Policia e Tiranës ka arrestuar një 27 vjeçar për veprën penale “Prodhimi dhe shitja e narkotikëve”. Sipas policisë, bëhet fjalë për shtetasin me inicialet V.H., banues në Tiranë. Po ashtu është sekuestruar lëndë e dyshuar narkotike kokainë dhe një peshore elektronike.

“Në bulevardin “Dëshmorët e Kombit”, Tiranë, shërbimet e Komisariatit të Policisë Nr. 2 kanë lokalizuar dhe arrestuar në flagrancë shtetasin V. H., të cilit, gjatë kontrollit fizik, i kanë gjetur dhe sekuestruar, në cilësinë e provës materiale një sasi lënde të dyshuar narkotike kokainë dhe një peshore elektronike. Nga veprimet hetimore të kryera ka rezultuar se ky shtetas, pasi siguronte lëndën narkotike kokainë, e ndante atë në porcione të vogla, të cilat i shiste më pas, në zona të ndryshme të Tiranës”, njofton policia, ndërsa bën me dije se, vijon puna për dokumentimin e plotë të veprimtarisë kriminale të kryer nga ky shtetas.

Mësohet se, materialet i kaluan Prokurorisë, për veprime të mëtejshme.

Liberale Newsroom

Poll
SHQIPENGLISH