Aktualitet

Shpërndante kokainë dhe ekstazi në Tiranë, arrestohet 40 vjeçari

Shkruar nga Liberale
Shpërndante kokainë dhe ekstazi në Tiranë, arrestohet 40

Një 40-vjeçar është arrestuar, pasi akuzohet se shpërndante lëndë narkotike. Sipas policisë bëhet fjalë për shtetasin me inicialet E. R., banues në Tiranë.

"Shërbimet e Policisë kanë marrë informacione në rrugë operative se shtetasi E. R. tregtonte lëndë narkotike kokainë, kanabis dhe ekstazi në zonën e Freskut dhe Kinostudios, në Tiranë", njoftoi policia.

Njoftimi i policisë: 

Në kuadër të operacionit policor të koduar “Kombinimi”, në pranga ra shtetasi me inicialet E. R., banues në Tiranë.

Shërbimet e Policisë kanë marrë informacione në rrugë operative se shtetasi E. R. tregtonte lëndë narkotike kokainë, kanabis dhe ekstazi në zonën e Freskut dhe Kinostudios, në Tiranë.

Mbi bazën e këtyre informacioneve, u bë e mundur që gjatë zhvillimit të operacionit, në zonën e Freskut, të kapej në flagrancë 40-vjeçari, të cilit gjatë kontrollit fizik iu gjetën 11 doza me lëndë narkotike të dyshuar kokainë. Kontrolli ka vijuar në banesën e 40-vjeçarit, ku Policia ka gjetur një armë zjarri pistoletë tip “Zastava”, doza të tjera me kokainë, cannabis sativa dhe ekstazi, si dhe peshore elektronike që shërbente për peshimin e lëndës narkotike.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprat penale “Armëmbajtja pa leje” dhe “Prodhimi dhe shitja e narkotikëve”. /Gazeta Liberale

Liberale Newsroom

Poll
SHQIPENGLISH