Shkencat Humane, UET sjellin debatin e përballjes individ- post Covid

Fakulteti i Shkencave Humane Edukimit dhe Arteve Liberale zhvilloi konferencën me temë “Role of Individual in Development of Society“, në të cilën morën pjesë studiues të huaj dhe shqiptarë, nën drejtimin e dekanes së këtij fakulteti, Prof.Asoc.Dr. Belina Budini. Lektori i nderit ishte Dr. Othon Anastasakis, drejtor i Qendrës për Studime të Evropës Juglindore në Universitetin e Oksfordit, i cili analizoi rëndësinë dhe impaktin që diasporat kanë për vendet e tyre, duke u përqendruar edhe tek vendet e Ballkanit Perëndimor dhe Shqipëria.

Ai trajtoi sfidat e Shqipërisë së paskomunizmit nën një tranzicion relativisht të gjatë në raport me emigrimin në vendet e afërta si Greqi, Itali e në pjesë të tjera të botës. Trajtoi ndikimin dhe efektet pozitive të diasporës në aspekte dhe fusha të ndryshme në Shqipëri. Profesori i Marrëdhënieve Ndërkombëtare në St Antony’s College u ndal edhe në ndikimin e ambasadorëve të vërtetë të Shqipërisë jashtë kufijve të saj, si: Nën Tereza, Ismail Kadare, Dua Lipa, Rita Ora, etj. Ai u fokusua tek njerëzit e zakonshëm që mund të japin një shembull të mirë se si komuniteti i shqiptarëve mund të prezantohet përmes emigrantëve. Ai theksoi se individët mund të bëjnë diferencën, sic përmendi dhe fushat kryesore ku diaspora mund të bëjë diferencën, sic janë: edukimi, arsimi, etj, dukë dhënë mbështetje dhe kontribut për njëri-tjetrin. Ai preku fenomenin brain drain duke e shpjeguar përmes mundësive të pakta që të rinjtë shqiptarë gjejnë në vendin e tyre, korrupsionin, mbështetjen e pakët nga institucionet shtetërore, etj. , si edhe duke orientuar drejt zgjidhjeve në mënyrë që të rinjtë shqiptarë të jenë agjentë të ndryshimit në vendin e tyre.

Profesori i Oksfordit finalizoi logjikën e tij përmes lentes së të parit përtej kufijve tanë, duke patur mundësinë kështu të shohim në një këndvështrim global ndryshe.

Gerry H. Stegeman, kërkuese shkencore në School of Governance, Law and Urban Development, Hollandë,  trajtoi tematiken “ Citizenship Education, international competences, and extended reality“. Stegeman trajtoi edukimin dhe format se si njerëzit mësojnë në një mjedis autentik përmes bashkëpunimit. Fokusi i saj ishte mbi përmbajtjen mediatike dixhitale, eksperiencat ndërkombëtare,busullat morale si rregullatorë të etikës dhe mirëfunksionimit, si edhe aftësitë reflektuese.

Gjithashtu ajo ceku situatën globale të post-covid e cila con drejt nevojave për profesionistë kreativë në fushën e edukimit, si edhe nevojën për gjithëpërfshirje dhe ndërgjegjësim mbi kushtet në të cilat ndodhemi. Përgjigja e saj u fokusua mbi rëndësinë e teknologjisë për të mirë-funksionuar në një situatë të vështirë për momentin, por edhe për rolin e teknologjisë dhe medias si faktorë tanimë të rëndësishëm për të lidhur ura komunikimi dhe për të bshkëpunuar në mënyrë cilësore me njëri – tjetrin.

George T. Sipos, Profesor ne West University of Timisoara, Rumani analizoi temën “Comprehensive Digitalization Imperative in post-pandemic higher education“. Fokusi i tij ishte mbi metodat e dixhitalizuara, si risi dhe inovacion, në funksion të studentëve. Synimi i tij ishte mbi përgatitjen e studentëve mbi atë që do të vijë në treg dhe jo mbi atë që është tani për momentin. Ai orientoi mbi modelin e ri, universitetin dixhital, i cili erdhi edhe si një variant opsional që bëri të mundur vazhdimin e universiteteve në periudhën e pandemisë së covid-19.

Prof.Asoc.Dr. Belina Budini trajtoi dhe analizoi një studim krahesues me tematike “Representations of Albania in TIME Magazine and The Economist“.

Një punim shkencor i shtrirë në një periudhë pothuaj 100 vjecare, që prezanton realitetin dhe imazhin e Shqipërisë nga këndvështrimi i mediave ndërkombëtare, si një subjekt i largët dhe distant.

Imazhi i Shqipërisë shfaqet si ai i një vendi të varfër dhe inferior, me një kontekst politik jodemokratik. Nga ana tjetër fokusi i këtyre mediave qëndron në bukuritë natyrore dhe në cilësitë e shqiptarëve si njerëz e miq besnikë.

Në krahasim më TIME, The Economist ka më shumë informacion mbi realitetin shqiptar, e megjithatë ka më shumë ngjashmëri sesa ndryshime në të dyja revistat ne mënyrën se si shpërfaqin Shqipërinë. Duke parë që në 3 harqe kohore në 100 vjet revistat pak a a shumë shprehen njësoj për Shiqërinë, del ne pah elementi i referimit të vetvetes nga vetë revistat. Është e dukshme mënyra e të parit të Ballkanit në një formë të ngurtësuar nga mediat angleze dhe amerikane.

Qëllimi i studimit është të ndajë realitetin nga stereotipat dhe të fokusohet prirja drejt të parit të Shqipërisë në tërësi dhe jo vetëm nën këndvështrimin e lajmit të keq. Te nxitet media, PR-i drejt një informacioni më realist e të shëndetshëm të Shqipërisë.

Dr. Elsida Sinaj trajtoi temen me fokus: “Emotional Intelligence and job performance among school teachers in Albania during covid-19“. Fokusi i studimit ish mbi përdorimin e inteligjencës emocionale në funksion të përformancës në punë, sidomos në kontekstin e mësuesve të shkollave në Shqipëri përgjatë periudhës së pandemisë Covid-19. Si një punë sfiduese gjatë periudhës së pandemisë me vështirësitë që e kanë shoqëruar mësimdhënien, Sinaj e sheh Inteligjencën Emocionale si potencialisht të dobishme për uljen e nivelit të stresit dhe rritjen e efikasitetit në punë.

PhD. Briseida Andoni dhe Msc.Etleva Haxhihyseni trajtuan tematikën “Student motivation and performance during online learning in the pandemic situation at European University of Tirana“, ku qëllimi i studimit ishte identifikimi i faktorëve influencues lidhur me motivimin e studentëve të UET. Objektivat u fokusuan mbi identifikimin e dimensioneve kualitative dhe kuantitative të motivimit në mësimin online gjatë përiudhës së pandemisë, evidencat e komunikimit profesor-student, si edhe sfidat e studentëve për të rritur motivimin gjtë kësaj periudhe.

Dr. Irena Myzeqari përmes studimit të tematikës “Faces of digital chaos: Fake-news, disinformation and Propaganda“ përqëndrohet në analizen e fakë-neës, dizinformimit dhe propagandës në Shqipëri në rrjetet sociale dhe sesi keto rrjete sociale amplifikojnë shpërndarjen e dizinformimit dhe propagandës, duke e finalizuar me përpjekjen për të gjetur një zgjidhje praktike se cilat mund të jenë kurat e mundshme për këto “3 sëmundje“.

Dr. Klementin Mile diskutoi mbi temen me karakter filozofik “How to conceptualise power?“ Mile trajtoi konceptet si një mekanizëm që na ndihmojnë për të kuptuar realitetet. Konceptualizimi i pushtetit theksohet si i rëndësishëm, pasi është shkak i konceptualizimit të shoqërisë, duke vënë theksin në patjen kujdes nga konfuzioni që e karakterizon pushtetin në vetvete si fjale, si dijeni, si mënyrë e të vepruarit, të cilat mund të cojnë drejt një optike te drejtë por edhe të zhdrejtë për tu orinetuar.

Ditët e Studimeve Shqiptare u zhvillua në Universitetin Europian të Tiranës si edicion i 8-të i me temë “New Normal, Challenges and Opportunities“. Tanimë i konfirmuar si një ndër eventet kryesore të pervitshme në UET, synimi i kësaj konference është të bashkojë studiues ndërkombëtarë të orientuar në Shqipëri e pak më gjerë, Ballkanin Perëndimor, të cilët analizojnë sipas qasjeve të tyre cështjet kryesore me të cilat përballet Shqipëria dhe rajoni i saj./Gazeta Liberale

Tags: Belina Budini, Fakulteti i Shkencave Humane, Othon Anastasakis