Aranit Muraçi
Gjuha shqipe mund të jetë një ndër gjuhët më të vjetra në botë, por gjuhët me të cilën komunikojnë më shumë njerëz u takojnë vendeve me popullsinë më të madhe.
Vetëm 10 vite më parë gjuha angleze është bërë gjuha me të cilën komunikojnë më shumë njerëz në botë. Për gati një shekull që kur “Ethnologue” ka regjistruar të dhënat të publikuara së fundmi nga “World of Facts” vendin e parë e ka mbajtur një gjuhë tjetër: dielekti kinez Mandarin. Këtë dialekt e flet sot mbi 70 për qind e popullsisë kineze, ndërsa Kina njeh edhe disa dialekte të tjera si gjuhë zyrtare.
Anglishtja me 1.5 miliard banorë është gjuha që flitet nga më shumë njerëz në vitin 2022.
Në vend të dytë vjen dialekti Mandarin i gjuhës kineze me 1.1 miliard banorë. Në vend të tretë gjuha indiane (Hindi 602.2 milionë banorë). Më pas vijnë Spanjishtja (548.3 milionë banorë), Frëngjishtja (274.1milionë banorë), Arabishtja Standarde (274 milionë), gjuha që flitet në Bangladesh dhe quhet “Bengal” (272.7 milionë), Rusishtja (258.2 milionë) dhe gjuha Urdu që flitet në Pakistan (234 milionë).
Interesant është fakti se vetëm 30 vite më parë, asnjë gjuhë e botës nuk flitej nga më shumë se 1 miliard banorë të rruzullit tokësor. Gjatë gjysmës së dytë të këtij shekulli, për t’u futur në 10-shen e parë kanë rivalizuar gjuhët e disa vendeve aziatike, si ajo pakistaneze me vende të të tjera të këtij rajoni si Indonezia dhe Bangladeshi, kjo në varësi të ritmit të rritjes ose rënies së popullsisë së secilës prej tyre.
Fashizmi duket se imponoi edhe gjuhën në vendet e pushtuara, pasi Japonishtja dhe Gjermanishtja u ngjitën në listë, mes 10 gjuhëve më të folura në botë, pikërisht në kohën kur dy vendet ishin në koalicionin nazist para dhe gjatë Luftës së Dytë Botërore.
Anglishtja, e konsideruar gjerësisht si gjuhë ndërkombëtare sot, veç Britanisë së Madhe është gjuhë zyrtare në SHBA, Australi, Kanada dhe shumë vende të tjera, si në Afrikë dhe Azi, të cilat kanë qenë dikur koloni britanike. Gjuhët spanjolle dhe portugeze fliten gjerësisht në Amerikën Latine. Në Indi që është vendi me popullsinë më të dendur sot në botë (1.4 miliardë) teksa kaloi Kinën në vitin 2022 sipas OKB, fliten disa dialekte çka e pozicion atë në vend të tretë të listës së gjuhëve me të cilën komunikojnë sot më shumë njerëz në botë.
/Liberale.al/
