Kryesore

Serbi që shëtiti botën, por lumturinë e gjeti në Shqipëri

               Publikuar në : 15:11 - 12/08/20 liberale

Srdjan Gligorijevic, 46 vjec nga Beogradi, udhëtoi nëpër botë për vite me radhë për të gjetur vendin e duhur për të përmbushur ëndrrën e jetës, të bëhej pronar klubi. Ai nuk e kishte idenë se pas Miamit, Ekuadorit dhe Sri Lankës, ai do ta gjente lumturinë e tij në Shqipëri.

“Kam jetuar në Miami për shtatë vjet, dhe pastaj vizitova Ekuadorin për një kohë të shkurtër dhe prej andej shkova në Sri Lanka, ku qëndrova gati për dy vjet. Pas kësaj u ktheva në Beograd, por i njëjti qëllim ishte në kokën time – për të gjetur një vend afër ujit, ku unë do të hapja klubin tim”, thotë Gligorijevic për “Blic”.

Idenë që ta vizitojë Shqipërinë ia kishte dhënë një mik. Ai pranon se kishte pasur paragjykime po aq sa frikë.

Kur duhej të merrja me qira një apartament, hasa në një njeri që ishte shumë korrekt, te ata (shqiptarët) marrëveshja është gjithçka. U transferova në apartament dhe parkova makinën time me targa të Beogradit aty pranë, mendova se do të prishej përgjysmë gjatë natës, por për çudinë time nuk ndodhi. Në atë kohë, unë tashmë pashë që jo gjithçka ishte ashtu siç më thanë, por se ishte krejtësisht ndryshe”.

Gjatë natës, ëndrra e Srdjanit u bë realitet.

“Gjatë një shëtitje rreth Sarandës, ku unë jetoj dhe tani punoj, pashë një tarracë të madhe, ku dikur ka qenë një restorant i madh. Aty më erdhi ideja për të gjetur pronarët dhe të marrë me qira atë vend; ishte buzë detit dhe përmbushte të gjitha dëshirat e mia.

Fillova të kërkoja pronarët e lokalit dhe i gjeta. Në atë moment, bari nuk po funksiononte, dhe duhej një investim për të rregulluar disa gjëra. Unë u pajtova me atë dhe rinovova barin, nga i cili bëra një restorant të kuzhinës sonë lokale“, thotë Srdjan.

Me plot bindje Serdjan thotë se Shqipëria është e stolisur me bukuri dhe ndershmëri. Siç tregon vet ai, me kalimin e ditëve është vërtetuar se vendi është i shkëlqyeshëm dhe se të gjithë duhet ta vizitojnë.

“Unë jetoj në Sarandë, e cila ka filluar vetëm nga viti 2008 në mënyrë aktive të zhvillojë turizmin; ata nuk janë shumë të mirë në turizëm, por ata dinë të ndritin ditën tuaj, të respektojnë marrëveshjen dhe t’ju argëtojnë.

Gjatë sezonit, siç është tani, shqiptarët miratuan një ligj për të fikur muzikën në të gjitha baret një orë pas mesnatës në mënyrë që turistët të pushonin dhe të ishin gati për ditët e ardhshme të qëndrimit të tyre, dhe më besoni mua, të gjithë e respektojnë atë. Këtu, të gjithë respektojnë ligjin” – thotë gastronomi serb.

Porosia e tij është: “Mos dëgjoni histori, ju jeni të mirëpritur këtu”.

“Unë kam një mesazh të rëndësishëm për të gjithë njerëzit nga Serbia: ju lutem mos i besoni thashethemet, ju të gjithë jeni të mirëpritur këtu. Shqiptarët janë një popull i mrekullueshëm që i respekton të gjitha kombet, unë jetoj dhe punoj këtu dhe e di si është. Nëse gjithçka do të ishte e vërtetë nga ato që thuhen, a do të qëndroja këtu dhe të filloja biznesin tim?“, përfundoi ai

Tags: ,

KOMENTO (0)

Shkruaj nje koment

Your email address will not be published. Required fields are marked *

* *

Back