Rusia ka paralajmëruar Lituaninë për pasoja “serioze” pasi ndaloi transferimin hekurudhor të disa mallrave në territorin rus të Kaliningradit.
Lituania nga ana tjetër thotë se po ndjek vetëm sanksionet e BE-së të vendosura për pushtimin e Ukrainës nga Moska.
Guvernatori rajonal Anton Alikhanov tha se bllokimi do të prekte rreth 50% të artikujve që importon Kaliningradi.
Ndërkohë Sekretari i Këshillit të Sigurimit të Rusisë paralajmëroi se “masat e duhura” do të merren “në të ardhmen e afërt”.
“Pasojat e tyre do të kenë një ndikim serioz negativ në popullatën e Lituanisë”, shtoi ai, pa dhënë detaje të mëtejshme.