Aktualitet

Rritje e eksporteve dhe importeve këtë shtator, por shqiptarët ankohen varfëri

Shkruar nga Liberale
Rritje e eksporteve dhe importeve këtë shtator, por shqiptarët

Eksportet e mallrave, për muajin shtator të këtij viti, kanë arritur vlerën 39 miliardë lekë , çka ka shënuar një rritje me 16,3 për qind në krahasim me të njëjtën periudhë të një viti më parë.

Po ashtu kanë arritur një rritje me 9,5 për qind në krahasim me muajin gusht të vitit 2022.

Kurse importet e mallrave kanë arritur vlerën 88 miliardë lekë, duke u rritur me 27,4 për qind në krahasim me një vit më parë dhe me 10,5 për qind në krahasim me gushtin e këtij viti.

Sipas raportit të INSTAT-it, deficiti tregtar i këtij muaji është 49 miliardë lekë, duke u rritur me 37,6 për qind krahasuar me shtatorin e vitit  2021 dhe me 11,3 për qind në krahasim me gushtin e vitit 2022.

Eksportet e mallrave, në këtë nëntëmujor, kanë arritur vlerën 366 miliardë lekë, duke u rritur me 37,9 për qind.

Ndërkohë, importet e mallrave kanë arritur vlerën 695 miliardë lekë, duke u rritur me 25,1 për qind krahasuar me një vit më parë.

Kurse deficiti tregtar ka arritur vlerën 329 miliardë lekë, duke u rritur me 13,4 për qind krahasuar me të njëjtën periudhë të vitit 2021.

Gjatë muajit shtator të këtij viti, në rritjen e eksporteve prej 16,3 për qind kanë ndikuar pozitivisht grupet: “Tekstile dhe këpucë” me +5,8 pikë përqindje, “Minerale, lëndë djegëse dhe energji elektrike” me +5,2 pikë përqindje dhe “Makineri, pajisje dhe pjesë këmbimi” me +3,0 pikë përqindje.

Liberale Newsroom

Poll
SHQIPENGLISH