Ndërkombëtare

Regjistrohen 6 viktima nga përmbytjet në Greqi, Francë dhe Itali

               Publikuar në : 20:52 - 25/11/19 liberale

Të paktën gjashtë viktima janë regjistruar në pjesë të ndryshme të Evropës në një fundjavë stuhish, përmbytjesh dhe rrëshqitjesh dheu. Në Itali dhe Francë, shirat e rrëmbyeshëm i morën jetën katër personave ndërkohë që një konsiderohet i zhdukur pasi shkaktuan përmbytje dhe rrëshqitje dheu që morën me vete madje edhe rrugë.

Stuhitë dhe era e fortë në Greqinë perëndimore çoi në vdekjen e dy personave, që ndodheshin në bordin e një barke në Antirio, pranë Patrës. Shërbimi meteorologjik grek tha se kushtet ekstreme të motit do të zbuten ndërsa stuhitë lëvizin më në lindje të vendit. Vala e motit të keq e ka marrë emrin Giryonis, nga mitologjia greke dhe ka kthyer kujtimet e dy viteve më parë kur përmbytjet i morën jetën 26 personave në zonën e mandrës. Pamjet televizive tregonin një katastrofë të vërtetë biblike, me rrugët e mbushura me baltë dhe gurë, pemë të shkulura, makina mbi njëra tjetrën. Ne shume shtëpi niveli i ujit arriti ne 1 metër e 80 cm dhe repartet e zjarrfikësve u janë përgjigjur dhjetëra thirrjeve telefonike për ndihme nga qytetaret.

Pjesë e një rruge nacionale që lidh Torinon me Francën, u shemb si pasojë e një rrëshqitjeje dheu, duke lënë një hendek 30 metërsh. Fatmirësisht nuk pati të lënduar. Rajoni më i prekur në Itali ishte Aleksandria, në jug të Torinos, ku 200 persona u evakuan dhe 600 të tjerë mbetën të bllokuar. Qindra të tjerë u evakuuan më në veri në val’daosta, ku rrugët u mbyllën për shkak të rrezikut të ortekëve ndërkohë që sirenat e alarmit për përmbytje u dëgjuan sërish edhe në Venecia.

Në anën tjetër në Francën juglindore, disa lumenj dolën nga shtrati duke shkaktuar dëme të mëdha ndërsa shtëpitë u përmbytën, pemët, makinat dhe barkat u rrëmbyen nga uji. Afro 5 mijë shtëpi mbetën pa energji elektrike në rajonin var ku sasia ekuivalente e dy apo tre muajve shi ra në vetëm 24 orë./T.Ch/

Tags: , , ,

KOMENTO (0)

Shkruaj nje koment

Your email address will not be published. Required fields are marked *

* *

Back