Sport

Reali njofton largimin e Hazard, belgu mund t’i japë fund karrierës

Shkruar nga Liberale
Reali njofton largimin e Hazard, belgu mund t’i japë fund
Real Madrid ka njoftuar zyrtarisht largimin e Eden Hazard në fund të sezonit. Klubi madrilen dhe belgu 32-vjeçar ranë dakord për të ndërprerë kontratën nga 30 qershori. Marrëveshja ishte e vlefshme deri në verën e vitit 2024. Hazard u transferua nga Chelsea te Real Madrid në verën e vitit 2019 për 115 milionë euro. Ai fitoi me 8 trofe. Ligën e Kampionëve, Kupën e Botës për Klube, Superkupën e Europës, 2 La Liga, Kupën e Spanjës dhe 2 Superkupa të Spanjës. Është raportuar se Hazard mund t’i japë fund karrierës së tij këtë verë. Në total, belgu luajti 76 ndeshje për madrilenët, shënoi 7 gola dhe bëri 12 asistime. Eden ka bërë 10 paraqitje në të gjitha garat këtë sezon. Ai ka shënuar 1 gol dhe ka dhënë 2 asistime. Më herët, Real Madrid ka njoftuar largimin e Marco Asensio dhe Mariano Diaz.
 
View this post on Instagram
 

A post shared by Real Madrid C.F. (@realmadrid)

Liberale Newsroom

Poll
SHQIPENGLISH