Globi

Raportuesja për Kosovën në PE: Liberalizimin po e vonon Macron

Shkruar nga Liberale
Raportuesja për Kosovën në PE: Liberalizimin po e vonon Macron

Raportuesja për Kosovën në Parlamentin Evropian, Viola von Cramon-Taubadel deklaroi se Kosova duhet të pyesë presidentin e Francës, Emmanuel Macron përse po ngurron që kosovarët të marrin liberalizimin e vizave.

Më herët, i dërguari i posaçëm i Shtëpisë së Bardhë për dialogun Kosovë-Serbi, Grenell kërkoi nga raportuesja për Kosovën që të mos e kritikojë administratën amerikane për çdo gjë, por të përqendrohet tek liberalizimi i vizave.

“Siç ja kam shpjeguar edhe zotit Richard Grenell, është në dorën e Këshillit të Europës që ta trajtojë këtë çështje. Por, nëse dëshironi që të keni një rol konstruktiv për të, merrni në telefon presidentin e Francës, Emmanual Macron dhe pyeteni . Do të befasoheni nga përgjigja e tij”, ka shkruar Cramnon- Taubadel.

Autoritetet në Kosovë thonë se i kanë plotësuar të gjitha kriteret për liberalizimin dhe presin që edhe BE-ja ta mbajë tani fjalën e saj. Kosova është vendi i vetëm në Ballkanin Perëndimor, qytetarët e së cilës nuk kanë të drejtë të lëvizin pa viza në Zonën Shengen.

Liberale Newsroom

Poll
SHQIPENGLISH