Aktualitet

Rama: Kush nuk jep sa duhet nuk është në formacionin e PS-së

Shkruar nga Liberale
Rama: Kush nuk jep sa duhet nuk është në formacionin e PS-së

Kryeministri Rama tha nga Elbasani, se të gjithë në PS duhet të bëjnë maksimumin deri në zgjedhje për të siguruar një mandat të ardhshëm.

Ai paralajmëroi grupin aktual parlamentar se vendi i tyre nuk është i sigurt dhe nga sot janë kandidatë për deputetë në zgjedhjet e ardhshme dhe nëse nuk japin aq sa duhet nuk do të jenë në formacion.

“Nuk dyshoj se nëse do të votohej këtë të diel ne nuk do t’i fitonim zgjedhjet, por nuk besoj se do t’i fitonim të gjitha zemrat e atyre që na kanë votuar apo të atyre që nuk na kanë votuar, por nuk e kanë votuar dhe nuk e votojnë forcën kundërshtare.

Këtë të diel ne do të merrnim më pak vota sa meritojmë, ndërsa ata do të merrnin më pak sa kanë marrë herën e fundit. Ne do të merrnim më pak vota sepse populli pret shumë më shumë nga ne dhe se populli nuk pret asgjë nga ata dhe ka të drejtë. Kur unë pres më shumë nga vetja dhe nga ju, imagjinoni dikush që nuk ka as ngenë dhe as arsyen që të justifikojë mungesën e gjërave që pret apo të shohë të njëjtën vëmendje për të parë me lupë çfarë ne kemi bërë dhe të arsyetojë pse nuk bënim dot më shumë.

Ne kemi mjaftueshëm kohë për të përmbushur pritshmëritë. Kemi mjaftueshëm kohë për ta ristartuar kompjuterit për procesin e rikrijimit të skuadrës fituese. Troç farë, deputetë jemi në sallën e kuvendit, ndërsa jashtë saj nga sot jemi kandidatë për deputetë. Kush nuk do të japë jo thjesht gjithçka ka, por gjithçka duhet, nuk do të jenë në atë formacion e ardhshëm”, u shpreh Rama.

Liberale Newsroom

Poll
SHQIPENGLISH