Showbiz

Puthja e famshme Fedez- Rosa Chemical merr përmasat e një skandali, peticion dhe kallëzim penal për dy këngëtarët

Shkruar nga Liberale

Festivali Sanremo 2023, gati dy javë pas përfundimit të tij, vazhdon të përflitet. Pas puthjes së shumëpërfolur mes Rosa Chemical dhe Fedez shoqata "Pro Vita & Famiglia" kishin bërë kallëzim për krimin e veprimeve të turpshme në një vend publik.

Kallëzimi i shoqatës vjen pas nënshkrimit të një peticioni me 37,000 firma, i bazuar në nenet 527 dhe 529 të Kodi Penal të Italisë.

“Ata kryen një sjellje të gravitetit të paparë në TV live, e cila çoi në një valë indinjate të përgjithshme për turpin, shqetësimin dhe neverinë e shkaktuar nga vulgariteti i një sjelljeje në lidhje me sferën seksuale”, shpjegohet nga shoqata në akuzat Rosa Chemical dhe Fedez.

Pas pranimit të ankesës, megjithatë, Prokuroria Publike Imperia i habiti të gjithë. Për çështjen e diskutueshme të finales së Sanremos, e cila çoi edhe në një debat mes Fedez dhe gruas së tij Chiara Ferragni, nuk do të ketë vazhdim në gjykatë. Në fakt, sipas magjistratëve të Imperia-s, çështja duhet të pushohet për shkak se krimi nuk ekziston, pavarësisht ankesës nga Pro Vita & Famiglia.

Prokurori i Imperia-s, kishte pranuar një tjetër ankesë, atë të Codacons për shkatërrimin e luleve nga Blanco.

Këngëtari, protagonisti i shkatërrimit të skenografisë në skenën e Ariston, në fakt hetohet nga prokurori i Imperia-s me akuzën e dëmit të rëndë dhe mund të rrezikojë vërtet nëse çështja shkon në gjykatë./Liberale.al

 

Liberale Newsroom

Poll
SHQIPENGLISH