Aktualitet

Pse nafta dhe benzina kushtojnë më shtrenjtë në Shqipëri sesa në Itali

Shkruar nga Liberale
Pse nafta dhe benzina kushtojnë më shtrenjtë në

Gara drejt rritjes së çmimit të naftës dhe benzinës nuk ndalet, as në Shqipëri, as në tregjet globale.

Por nëse në tregjet globale e blejnë të gjithë naftën dhe benzinën,  atëherë pse në Shqipëri hidrokarburet kushtojnë më shtrenjtë edhe se në vendet e BE-së?

Bordi i Transparencës edhe pse e ka ulur sërish çmimin e naftës sot, me 3 lekë, teksa një litër naftë do të tregtohet me 255 lekë nga 258 lekë/litri që ishte më parë, ky çmim mbetet sërish shumë më i lartë se ai i tregtuar në vendet e rajonit, madje edhe më i lartë se në vendet e BE-së.

Ndërsa çmimi i benzinës është rritur me 3 lekë, duke arritur në 242 lekë/litri, i pandryshuar mbetet çmimi i gazit, i cili tregtohet për 83 lekë, vendi ynë mund të konsiderohet vendi me politikën fiskale më të “çuditshme në planet”.

Niveli më i lartë i çmimeve në vendin tonë shpjegohet me taksat më të larta që aplikohen por nëse vendet e tjera, përfshirë edhe ato të BE-së, si Italia, që kanë një nivel shumë më të lartë jetese po ulin disa taksa, që të bjerë çmimi, arka e shtetit ka shënuar në muajt e parë të këtij viti një rekord të ardhurash nga tatimet, me mbi 300 milion euro më shumë se planifikimi.

Përse duhen më shumë të ardhura që të mblidhen nga taksat e qytetarëve, për produkte të konsumit të përditshëm, në një kohë krize, kur edhe çmimet e tjera të konsumit të përditshëm po rriten me shpejtësi? Dhe përse nuk ulet akciza ose TVSH-ja?

Në Itali çmimi sot ka arritur në 2,073 për litër (rritje me 1,05 cent, e barabartë me + 0,51%) për javën e fundit nga 20 deri në 26 qershori. Krahasuar me javën e kaluar, edhe dizeli është rritur dhe ka shkuar në 2,033 € për litër (+2,7 centë e barabartë me një rritje prej 1,39%).

Sot një litër benzinë ​​kushton mbi një të katërtën më shumë se në të njëjtën periudhë të  vitit 2021, me çmimin që rritet me 27,7% në bazë vjetore, kurse nafta kushton 37% më shumë.

Për italianët është e qartë se ulja e akcizës, e zgjatur deri në 2 gusht, nuk është një masë e mjaftueshme për të përballuar krizën. Po ashtu, një bonus 200 euro për të përballuar krizën i është shpërndarë çdo qytetari, gati gjysmës së popullsisë më të varfër ose me të ardhura të pamjaftueshme.

/Liberale.al/

Liberale Newsroom

Poll
SHQIPENGLISH