Aktualitet

PS përgatitet për shfaqje në dënimin e gjenocidit të Srebrenicës, Balla: Do ftojmë familjarë të viktimave

Shkruar nga Liberale
PS përgatitet për shfaqje në dënimin e gjenocidit të

Kreu i Grupit Parlamentar të Partisë Socialiste Taulant Balla ka njoftuar se më 7 korrik do të mbahet në Kuvend seanca për të dënuar gjenocidin e Srebrenicës.

Balla theksoi se do të ftojnë edhe përfaqësues të shtetit të Bosnje Hercegovinës dhe familjarë të viktimave të këtij gjenocidi.

“Kemi rënë dakord që Kuvendi të mbajë një seancë të posaçme për këtë çështje. Nuk do të mbahet në datë 11 korrik. Kam kërkuar të mbahet në datë 7 korrik ku natyrshëm të mbahen fjalët e rastit dhe dokumenti të jetë serioz ku Kuvendi i Shqipërisë të shprehë qartë dënimin dhe vijimin e qëndrimeve të qeverisë shqiptare në lidhje me pandryshueshmërinë e këtij gjenocidi.

Do ftojmë edhe përfaqësues të shtetit të Bosnje Hercegovinës dhe familjarë të viktimave të këtij gjenocidi. Në datë 7 korrik Kuvendi i Shqipërisë në një pjesë të seancës të ketë një moment të posaçëm për kujtimin e viktimave në gjenocidin e Srebrenicës. Kuvendi i Shqipërisë merr dhe qëndrimin përkatës për këtë çështje”, tha Balla.

Kujtojmë që mazhoranca rrëzoi më 12 maj, kërkesën e iniciuar nga ish-kryeministri Sali Berisha dhe disa deputetë të Partisë Demokratike për të dënuar gjenocidin serb të Srebrenicës.

Balla deklaroi atëherë  se mazhoranca do të votonte kundër kësaj kërkese pasi ishte iniciuar nga Berisha, duke e akuzuar atë se kur ishte president i vendit ka lejuar furnizimin e makinerisë së luftës në Bosnjë.

Liberale Newsroom

Poll
SHQIPENGLISH