Përfaqësues nga shoqëria civile kanë dalë në protestë, ndërkohë që në Kuvend po diskutohet projektligji për menaxhimin e Butrintit.
Arkeologu Apollon Baçe ka thënë se, specialistët nuk janë pyetur për këtë çështje.
“Në shtëpinë tonë ne do jemi mysafirë. Fitimi i kalon fondacionit dhe jo shqiptarëve”, është shprehur ai jashtë Kuvendit.
Kujtojmë se, Komisioni për Politikën e Jashtme ka miratuar projektligjin “Për miratimin e marrëveshjes për administrimin e nënzonave të trashëgimisë kulturore dhe peizazhit kulturor, pjesë e Parkut Kombëtar të Butrintit, ndërmjet Ministrisë së Kulturës dhe Fondacionit për Menaxhimin e Butrintit”.
