Policia ka dhënë informacion për arrestimet te Unaza e Re. Sipas policisë janë vënë në pranga tre persona të cilët kanë bllokuar rrugën në këtë zonë.

Sakaq, banoret e Unazes se Re janë mbledhur përpara Drejtorise së Policisë së Tiranës paraditen e sotme.

NJOFTIMI I POLICISE

Bllokojnë rrugën në zonën e Unazës së Re, në pranga tre persona.

Shërbimet e Komisariatit të Policisë Nr. 6, arrestuan në flagrancë për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike” dhe Pengimi i qarkullimit të mjeteve të transportit”, shtetasit:

– S. D., 56 vjeç;

– G. Sh., 54 vjeç;

– I. K., 51 vjeç (të tre banues në rrugën “Teodor Keko” në Zonën e Unazës së Re).

Mbasditen e djeshme, këta shtetas në rrugën “Teodor Keko” në Zonën e Unazës së Re, në bashkëpunim dhe me persona të tjerë janë grumbulluar në vende të kalimit publik duke penguar qarkullimin e mjeteve të transportit rrugor.

Me ndryshimet e reja në Kodin Penal, bllokimi i qarkullimir rrugor duke cënuar të drejtat dhe liritë themelore për lëvizjen e lirë të shtetasve dhe të mjeteve të transportit, do të përballet me pasojat e shkeljes së ligjit. /Gazeta Liberale