Aktualitet

Pritje madhështore në Dibër, Basha: Të korruptuarit të japin llogari para drejtësisë, paratë që u kanë marrë shqiptarëve t’u kthehen mbrapsht

Shkruar nga Liberale
Pritje madhështore në Dibër, Basha: Të korruptuarit të

Kryetari i Partisë Demokratike, Lulzim Basha, ishte sot në Dibër ku u njoh nga afër me problemet dhe shqetësimet e banorëve të zonës.

“Qytetarë të varfër, korrupsion i lartë. Ky është realitetit sot në Shqipëri që po detyron shqiptarët të largohen nga vendi. Prandaj sot është jetike t’i jepet fund pandëshkueshmërisë. Të korruptuarit duhet të japin llogari para drejtësisë e paratë që u kanë marrë shqiptarëve t’u kthehen mbrapsht.

Paratë që sot shkojnë në xhepat e pushtetarëve të kthehen në të mira për qytetarët” tha Basha mes të tjerash gjatë takimit me banorët.

Postimi i plotë i Bashës:

Sot isha në Dibër ku pash nga afër shqetësimet e tregtarëve për rritjen e çmimeve dhe rënien e fuqisë blerëse të qytetarë që, me buxhetin e vogël në dispozicion, nuk arrijnë të plotësojnë të gjitha nevojat e tyre.

Ky është realiteti prej vitesh - thonë tregtarët. Kjo ka ndikuar në largimin masiv të rinisë duke pamundësuar edhe shfrytëzimin e sektorit të bujqësisë dhe blegtorisë në këtë zonë.

Ata përballen me vështirësi të shumta, që nga mungesa e mbështetjes për shtresat e varfëra, për sektorin e bujqësisë e blegtorisë, mungesa e tregut dhe vendeve të punës, çka ka sjellë dhe rënie të fuqisë blerëse.

Qytetarë të varfër, korrupsion i lartë. Ky është realitetit sot në Shqipëri që po detyron shqiptarët të largohen nga vendi.

Prandaj sot është jetike t’i jepet fund pandëshkueshmërisë. Të korruptuarit duhet të japin llogari para drejtësisë e paratë që u kanë marrë shqiptarëve t’u kthehen mbrapsht.

Paratë që sot shkojnë në xhepat e pushtetarëve të kthehen në të mira për qytetarët.

 

Liberale Newsroom

Poll
SHQIPENGLISH