Udhëheqësit e BE-së do të thonë përsëri në samitin e së enjtes se gjashtë vendet do të anëtarësohen një ditë, sipas një draft deklarate përfundimtare, të zbuluar nga Reuters.
Vendet veriore si Franca dhe Holanda e kanë ngecur procesin e “zgjerimit” të BE-së, nga frika e një përsëritjeje të pranimit të nxituar të Rumanisë dhe Bullgarisë në 2007 dhe migrimit të keqadministruar të atyre që kërkonin punë, kryesisht nga Evropa Lindore (Bullgaria dhe Rumania) në Britani, duke e bërë këtë të fundit të kthejë shumë britanikë kundër BE-së deri në daljen përfundimtare të saj.
Bllokimi i Bullgarisë në përparimin e Maqedonisë së Veriut për t’u anëtarësuar në Bashkimin Evropian është një “turp”, tha kryeministri shqiptar Edi Rama teksa mbërriti në një samit të posaçëm të Ballkanit me liderët e BE-së, të cilët ai i akuzoi gjithashtu për “impotencë”.
“Është një turp që një vend i NATO-s, Bullgaria, rrëmben dy vende të tjera të NATO-s, pikërisht Shqipërinë dhe Maqedoninë e Veriut, në mes të një lufte të nxehtë në oborrin e shtëpisë së Evropës me 26 vende të tjera të BE-së, të ulur në një shfaqje të frikshme impotence”, u tha Rama gazetarëve të enjten, duke iu referuar pushtimit rus të Ukrainës.
Bullgaria, anëtare e BE-së prej vitit 2020, bllokoi fillimin e bisedimeve të anëtarësimit për Maqedoninë e Veriut, mbi mosmarrëveshjet në lidhje me historinë dhe gjuhën. Shqipëria po frenohet gjithashtu nga ky bllokim, sepse BE e ka lidhur përparimin e saj me atë të Maqedonisë së Veriut.
Rama, i cili më herët tha se nuk do të merrte pjesë në samit, po i referohej gjithashtu zhgënjimit të gjashtë vendeve shpresëdhënëse të Ballkanit në BE – Shqipërisë, Bosnjës, Kosovës, Malit të Zi, Maqedonisë së Veriut dhe Serbisë – se Franca dhe Gjermania nuk po bënin mjaftueshëm për t’i bërë presion Bullgarinë që të hiqte veton.
Qytetarët e Ballkanit Perëndimor kanë ëndërruar prej kohësh të bashkohen me BE-në, pas luftërave etnike të viteve 1990, pasi shpërbërjes së Jugosllavisë dhe rënies së regjimit komunist. /Liberale.al/
