Aktualitet

Pranga 32-vjeçarit në kryeqytet, kishte ardhur nga Dibra për të shitur kokainë

Shkruar nga Liberale
Pranga 32-vjeçarit në kryeqytet, kishte ardhur nga Dibra për

Një 32-vjeçar është arrestuar ditën e sotme në Dibër, pasi dyshohet se shiste lëndë narkotike kokainë, në doza.

Mësohet se i riu me iniciale A.A, nisej nga Tirana drejt Dibrës, vetëm për shitjen e dozave të kokainës, të cilat u sekuestrua në cilësinë e provës materiale.

Njoftimi i policisë/ Dibër

Goditet një rast i shpërndarjes së dozave të drogave të forta.  

Vihet në pranga një 32-vjeçar nga Tirana, i cili dyshohet se shiste lëndë narkotike kokainë, në doza, në territorin e qarkut Dibër.

Specialistët e Seksionit për Hetimin e Narkotikëve të DVP Dibër, në bashkëpunim me shërbimet e Forcës së Posaçme “Shqiponja”, në vijim të punës për goditjen e paligjshmërisë, bazuar në informacionet e siguruara me inteligjencë informative se një shtetas posedonte dhe shpërndante doza të lëndës narkotike kokainë, në qytetin e Peshkopisë, organizuan punën për lokalizimin dhe kapjen e tij.   

Si rezultat u arrestua në flagrancë shtetasi A. A., 32 vjeç, banues në Tiranë, i cili dyshohet se shpërndante doza të lëndës së dyshuar narkotike, në territorin e qarkut Dibër.  

Gjatë kontrollit, i është gjetur e fshehur në trup, një sasi lënde e dyshuar narkotike kokainë, gati për shitje, e cila u sekuestrua në cilësinë e provës materiale.

Materialet i kaluan Prokurorisë, për veprime të mëtejshme procedurale.

Liberale Newsroom

Poll
SHQIPENGLISH