Plot 70 mijë euro cash dhe një makinë me vlerë 100 mijë euro të dyshuara se janë përfituar nga aktivitet kriminal i janë sekuestruar në Lushnje 39 vjeçarit Julian Sulo, një personazh i njohur për lidhje të dyshuara me bandat në Lushnje dhe gjithmonë i konsideruar si Rival i Aldo Bares.
Policia thotë se operacioni u krye nga Strukturat e Krimit Ekonomik të Fierit pas një informacioni se 39 vjecari merrej me aktivitet kriminal në fushën e narkotikëve dhe krimeve kundër personit. Sulo ishte ndër të dyshuarit për atentatin ndaj Jurgen Hoxhës dhe Zamir Latifit, miq të nipit të Aldo Bares.
Operacioni vjen vetëm një ditë pas vrasjes së Besnik Hidës, dajës së Zamir Latifit, por policia nuk bën lidhje mes rasteve. Në vitin 2018, Julian Sulo, u ndalua nga forcat e policisë pasi u kap me pistolete pa leje, ndërsa mësohet se kishte vetëm pak kohë që kishte dalë nga burgu. /Gazeta Liberale
