Aktualitet

Policia aksion në Kukës, nën hetim 10 pronarë lokalesh

Shkruar nga Liberale
Policia aksion në Kukës, nën hetim 10 pronarë lokalesh

Policia e Kukësit ka zhvillluar një operacion në bar-kafe dhe restorante të paregjistruara në organet tatimore dhe me punonjës të paregjistruar.

Gjatë aksionit janë proceduar penalisht 10 biznesmenë për veprat penale “Fshehja e të ardhurave” dhe “Punësim i paligjshëm”.

Ata ushtronin aktivitetin në zona të ndryshme të qytetit të Kukësit, pa u regjistruar në organet tatimore dhe me punonjës të pa regjistruar/siguruar, duke shmangur detyrimet tatimore dhe sigurimin e detyrueshëm për të punësuarit, raporton Vizion Plus.

Ndërkohë, vijon puna për evidentimin dhe goditjen e rasteve të tjera të informalitetit në territorin e qarkut të Kukësit.

Liberale Newsroom

Poll
SHQIPENGLISH