Aktualitet

Po vjen katastrofa ushqimore

Shkruar nga Liberale
Po vjen katastrofa ushqimore

Me pushtimin e Ukrainës, Vladimir Putin ka gjasa të shkatërrojë jetët e njerëzve larg fushëbetejës – deri në atë shkallë saqë edhe ai mund të pendohet.

Lufta po godet tërë sistemin global të ushqimeve, i dobësuar nga Covid-19, ndryshimet klimatike dhe kriza energjetike. Eksportet e drithit dhe farave vajore të Ukrainës janë ndalur kurse nga Rusia janë të kërcënuara. Së bashku, të dy vendet furnizojnë 12% të volumit botëror. Çmimet e grurit, që u rritën deri në 53% që nga fillimi i vitit, u rritën sërish edhe me 6% më 16 maj, pasi India tha se do të pezullonte eksportet për shkak të një vale alarmante të të nxehtit.

Ideja e pranuar gjerësisht të një krize globale të kostos së jetesës nuk fillon të kapë peshën e asaj që mund të presë. António Guterres, sekretari i përgjithshëm i OKB-së, paralajmëroi më 18 maj se në muajt e ardhshëm kërcënohemi nga “mungesa globale e ushqimit" që mund të zgjasë me vite. Kostoja e lartë e shportës bazë të ushqimeve ka rritur ndjeshëm numrin e njerëzve që nuk janë më të sigurt për të përballuar jetesën, nga 440 milion që ishte më parë, në 1.6 miliardë aktualisht. Shumë afër pragut të urisë botërore. Nëse, siç ka të ngjarë, lufta zvarritet dhe furnizimet nga Rusia dhe Ukraina do të kufizohen, qindra miliona njerëz të tjerë mund të zhyten në varfëri. Trazirat politike mund të përhapen kudo sidomos në vendet e varfra dhe pa stabilitet, edhe fëmijët mund të vuajnë zhvillimin, kurse njerëzit do të vdesin nga uria.

I tillë është paralajmërimi i zymtë dhe disi i frikshëm për të ardhmen e mbarë globit, në artikullin kryesor të prestigjiozes “The Economist”.

/Liberale.al/

Liberale Newsroom

Poll
SHQIPENGLISH