Aktualitet

"Po shkon në pension lexo rregulloren"/ Debat mes Bardhit dhe Nikollës në Kuvend

Shkruar nga Liberale
"Po shkon në pension lexo rregulloren"/ Debat mes Bardhit dhe

Deputeti i Partisë Demokratike, Gazment Bardhi ka deklaruar se Garda duhet të ndërhyjë në sallën e Kuvendit vetëm kur ka rrezik për cënim fizik të deputetëve.

Garda i ndaloi deputetët e përjashtuar nga seancat parlamentare që të futen sot në ambientet e Kuvendit.

Pjesë e diskutimit:

Bardhi: Kërkesa ime ju drejtohet ju se jeni aty për të garantuar zbatimin e ligjit dhe Rregullores. Anëtarët e Gardës ndërhyjnë në sallë me urdhër tuajin kur cënohet integriteti fizik i deputetëve. Show që ju bëni çdo seancë është e shëmtuar. Këtu nuk ka asnjë rrezik për konflikt fizik. Ç’jemi ne, regjim autoritar?

Nikolla: Mos ndërhyni në detyrat e Gardës. Respekt për ta!

Bardhi: Respekt total për ta dhe mungesë respekti për ju që e shkelni Rregulloren se bën sikur e lexon edhe se lexove kurrë deri në fund.

Nikolla: Shyqyr të kam ty që më mëson

Bardhi: Po shkon në pension dhe se ke mësuar akoma. Rregullorja thotë duhet të hyjnë në sallë vetëm kur ka rrezik cënimi integriteti fizik për deputetët.

Nikolla: Sepse ju nuk flisni nga vendi por nga foltorja.

Bardhi: Nuk ka asnjë rregull për të folur në vend po foltore. Duhet të kthesh rregullin. Nuk mund ti japim perceptimin qytetarëve se këtu po ndodh një konflikt i madh fizik sa duhet ndërhyrja e Gardës. Ndryshe vendos një gardh edhe ndaj pozitën nga opozita. Nuk ka ndërmend njeri të prekë njeri me dorë.

Liberale Newsroom

Poll
SHQIPENGLISH