Aktualitet

Plas sherri në Komision/ Ministrja nuk kishte shifrat e të rinjve dhe fëmijëve, Grida Duma ndërpret mbledhjen

Shkruar nga Liberale
Plas sherri në Komision/ Ministrja nuk kishte shifrat e të rinjve dhe

Deputetja Grida Duma dhe ministrja e Shtetit për Rininë, Bora Muzhaqi janë përplasur me njëra-tjetrën në mbledhjen e Komisionit të Çështjeve Sociale.

Ministrja Muzhaqi nuk e kishte në komision shifrën se sa fëmijë dhe të rinj ka Shqipëria sot, çka është konsideruar nga opozita si e papërgatitur për mbledhjen.

Për këtë shkak Kryetarja e Komisionit, Grida Duma u detyrua të mbyllë mbledhjen para kohe.

DEBATI Në KOMISION:

Duma: Sa të rinj dhe fëmijë ka Shqipëria në 2021, 2022 dhe 2023? E keni shifrën?

Muzhaqi: Patjetër që e kemi, nuk mendova që do më pyesnit sot për këtë.

Duma: Si e bëni ju buxhetin. Sa të rinj ka Shqipëria sot? Dhe sa fëmijë? Kur bëni strategjinë për të rinjtë dhe fëmijët, duhet ta dini se sa nga taksat e shqiptarëve shkojnë për fëmijët dhe të rinjtë. Unë e di që është e vështirë për ju se kështu ka qenë gjithmonë.

Muzhaqi: jo nuk është e vështirë. Kjo pyetje është ezauruar tashmë dhe do kaloj te pyetja tjetër. Ju nuk po më lini të përgjigjem. Shifrën sapo ua dhashë.

Duma: Nuk e dhatë shifrën.

Muzhaqi: Mund të hapni INSTAT-in dhe ta shihni.

Duma: Jo nuk e kemi INSTAT. Problemi kryesor është që rinia ikën nga vendi dhe nuk bëhet një krahasim mes 2022 dhe 2021.

Metaj: Ju po flisni pa etikë (I drejtohet Dumës).

Duma: Mbylleni komisionin.

Vokshi: Ministra nuk mund të vijë aty dhe të përgjigjet ashtu.

 

Liberale Newsroom

Poll
SHQIPENGLISH