Shtatë qytete austrialiane janë në izolim, ndërsa autoritetet përpiqen të parandalojnë përhapjen e variantit Delta, i cili ka transmetueshmëri shumë të lartë. Një rritje e lehtë e shifrave u raportua të mërkurën për një total prej 200 rastesh.
Gati gjysma e popullsisë apo më shumë se 12 milionë banorë; duhet t’i binden urdhrit për të qëndruar në shtëpi, në Sidney, Brisbane, Perth, Darwin, Townsville dhe Bregu i Artë.
Kryeministrja e Kuinslend kërkoi të ndalohen udhëtimet ndërkombëtare, pasi besohet që virusi ka mbërritur nga një person që udhëtonte nga Indonezia për çështje pune.
Autoritetet druhen se virusi mund të përhapet tani tek komuniteti indigjen, i cili është edhe më i cënueshëm. Rreth vendit, liderët shtetërore flasin për një situatë që pritet të shpërthejë nga momenti në moment, me rritjen e numrit të rasteve. Shumë prej tyre kërkojnë vaksinim më të shpejtë, pasi vetëm 5 përqind e popullsisë është vaksinuar plotësisht.
