Aktualitet

Përdhunuan 11-vjeçaren, gjykata e Prishtinës dënon me 40 vite burg katër të rinjtë

Shkruar nga Liberale
Përdhunuan 11-vjeçaren, gjykata e Prishtinës dënon me 40

Gjykata Themelore në Prishtinë ka dënuar sot me 40 vite burg në total katër të rinjtë e arrestuar nën akuzën e abuzimit seksual me të miturën në Kosovë, rast i ndodhur në 27 gusht të vitit të kaluar.

I arrestuari Ekrem Rexhepi, është shpallur fajtor për veprën penale të dhunimit dhe ndaj tij është caktuar dënimi me 15 vite burg.

Vëllai i tij, Gent Rexhepi, i mitur, është dënuar me burgim për të mitur në kohëzgjatje prej nëntë (9) viteve.

I mituri Xhabir Salihu është shpallur fajtor për veprën penale Dhunimi dhe për veprën penale – Keqpërdorim i Fëmijëve në Pornografi dhe është dënuar me dënim me burgim për të mitur në kohëzgjatje prej tetë (8) viteve.

I mituri Gentrit Jashari është shpallur fajtor për veprën penale Dhunimi dhe veprën penale – Keqpërdorimi i Fëmijëve në Pornografi dhe ndaj tij është shqiptuar dënim me burgim për të mitur në kohëzgjatje prej tetë (8) viteve.

Ndërsa i arrestuari, Shkëlqim Kameri u lirua nga akuzat.

Liberale Newsroom

Poll
SHQIPENGLISH