Partia Demokratike e Shqipërisë nën drejtimin e Enkelejd Alibeaj ka një seli të re.
Godina ndodhet pranë kryesisë së kuvendit, rruga “Donika Kastrioti”, hyrja e parë. PD po njofton të gjithë institucionet publike për adresën e re të godinës qendrore të demokratëve.
Ndërkohë, adresa e re ishte shënuar edhe te deklarata solemne që Alibeaj dorëzoi në Komisionin Qendror të Zgjedhjeve për regjistrimin në zgjedhjet lokale të 14 majit.
Këtë javë pritet që në këto ambiente të mbahet mbledhja e kryesisë dhe grupit parlamentar.
