Aktualitet

Pasi humbi zgjedhjet, Berisha thirrje qytetarëve nga Kuvendi: Bashkojuni protestave!

Shkruar nga Liberale
Pasi humbi zgjedhjet, Berisha thirrje qytetarëve nga Kuvendi: Bashkojuni

Pasi humbi në zgjedhjet e 14 majit, ish-kryeministri Sali Berisha ka bërë thirrje të njëpasnjëshme për protesta.

Ish-kryeministri tha se kjo është e vetmja rrugë kundër vjedhjes së votës.

"Është kjo ushtri e zgjedhësve fantazmë që u përdor masivisht për të mashtruar rezultatin e zgjedhjeve me 14 maj, krahas faktorëve të tjerë. I denoncoj këtu në parlament këtë batërdi elektorale, këtë farsë për t’u thënë shqiptarëve se ka vetëm një rrugë që ju të votoni të lirë, ka vetëm një rrugë që Edi Rama të mos blejë me paratë tuaja publikisht votën, ka vetëm një rrugë që Edi Rama të mos blejë nën dorë me qindra milionë euro vota, ka vetëm një rrugë që Edi Rama të mos përdorë zgjedhësit fantazmë dhe kjo rrugë është protesta, protesta dhe vetëm protesta. Kombi polak, për një ligj që vë në diskutim procesin zgjedhor, është i tëri në rrugë. Unë qëndroj këtu me thirrjen time të fuqishme, në protestë dhe vetëm në protestë. Përndryshe, ata që përpiqen të justifikojnë këtë vjedhje monstruoze të votës, bëhen mbështetës të një krimi të paparë në historinë elektorale.Unë kam bindjen se qindra mijëra idealistë që votuan për opozitën do ngrihen dhe do krijojnë mundësinë që të votojnë të lirë.”, tha Berisha.

 

Liberale Newsroom

Poll
SHQIPENGLISH