Kosova

Pas tensioneve në veri të Kosovës, ulen në tryezën e bisedimeve Kurti dhe Vuçiç

Shkruar nga Liberale
Pas tensioneve në veri të Kosovës, ulen në tryezën e

Pas tensioneve të ditëve të fundit në veri të Kosovës, kryeministri Albin Kurti dhe presidenti serb, Aleksandër Vuçiç do të takohen më 18 gusht në Bruksel.

Lajmi u konfirmua nga zëdhënësi i Bashkimit Evropian, Peter Sano i cili tha se të dy liderët kanë pranuar ftesën e përfaqësuesit të Lartë, Josep Borrell.

Në këtë takim do jetë i pranishëm edhe përfaqësuesi i BE-së për dialogun, Miroslav Lajçak.

“Mund të konfirmoj se pasi përfaqësuesi i Lartë, Josep Borrell, ftoi të dy palët në Bruksel, kryeministri Kurti dhe presidenti Vuçiç kanë pranuar ftesën e tij. Ata do të mirëpriten në Bruksel më 18 gusht nga Borrell dhe përfaqësuesi i posaçëm i BE-së, Miroslav Lajçak, për të diskutuar për rrugën përpara në dialogun Prishtinë-Beograd”, tha Stano.

Kjo ftesë erdhi në kohën e rritjes së tensioneve në veri të Kosovës, pasi serbët lokalë vendosën barrikada për të kundërshtuar dy vendime të qeverisë së Kosovës që kishin të bënin me dokumentet dhe targat serbe.

Pas tensioneve barrikadat u hoqën pasditen e 1 gushtit.

Kryeministri Kurti u zotua se do të shtyjë për një muaj zbatimin e këtyre dy vendimeve.

Liberale Newsroom

Poll
SHQIPENGLISH