Sipas raportimeve Papa Françesku ka përjashtuar mundësinë e dorëheqjes, pas spekulimeve se ai po planifikon të largohet, pasi ka probleme shëndetësore.
Por ai ka hedhur poshtë fjalët për një dorëheqje dhe ka thënë se do të vazhdojë punën “derisa Zoti ta lejonte”, duke shtuar shkurtër dhe prerë “Dhe kaq”.
85-vjeçari u shpreh në këtë mënyrë gjatë një takimi me peshkopët brazilianë në Vatikan.
Thashethemet për dorëheqjen e Papës u shtuan, kur ai u shfaq duke ndjekur ngjarjet në një karrige me rrota, muajin e kaluar, ku u fol se ai vuante nga një sëmundje e ligamentit të gjurit.
