Aktualitet

Paloka: Rama mashtroi, zero lek për marsin, zero lek deri më 4 prill

               Publikuar në : 20:11 - 04/04/20 liberale

Nënkryetari i Partisë Demokratike, Edi Paloka thotë se kryeministri Rama po mashtron shqiptarët, pasi u premtoi rrogën e marsit dhe deri diën e sotme nuk kanë marrë asgjë.

Në një postim në Facebook, Paloka shkruan se qeveria gënjen nëpër media, ndërkohë që “zero të vetëpunësuar kanë marrë pagesë, zero biznese kanë marrë mbështetje, zero familje në nevojë kanë marrë ndihmën ekonomike të premtuar dhe zero të papunë kanë marrë pagesën e premtuar”.

Edi Rama është kapur në gënjeshtër dhe nuk ka as kurajon më të vogël qytetare të kërkojë ndjesë. U premtoi shqiptarëve në 17 Mars 2020 se askush nuk do të ngelet pa marrë pagën e Marsit dhe mashtroi. Mijëra qytetarë nuk kanë arritur të marrin pagën e muajit Mars dhe janë sot në luftë me mbijetesë. Edhe pse sot është data 4 Prill, rreth një muaj nga fillimi i krizës në Shqipëri, Qeveria nuk ka shpërndarë asnjë lek. Ndërkohë që dalin e gënjejnë nëpër media çdo ditë, zero të vetëpunësuar kanë marrë pagesë, zero biznese kanë marrë mbështetje, zero familje në nevojë kanë marrë ndihmën ekonomike të premtuar dhe zero të papunë kanë marrë pagesën e premtuar. Kjo nuk është kohë për gënjeshtra. Kjo nuk është kohë për propagandë. Vepro tani: Anullo koncesonet dhe ndihmo shqiptarët!“, shkruan Paloka./Gazeta Liberale

Tags: , , , ,

KOMENTO (0)

Shkruaj nje koment

Your email address will not be published. Required fields are marked *

* *

Back