Presidenti francez, Emmanuel Macron ka parashikuar me saktësi rezultatin dhe golashënuesit e ndeshjes Francë-Poloni, si të ishte Nostradamusi i kohëve moderne.
Ylli i futbollit francez, Kylian Mbappe realizoi dy herë për Francën, duke mposhtur Poloninë e Robert Lewandowskit 3-1 për të kaluar në çerekfinale të Kupës së Botës, Katar 2022.
Çuditërisht, në një intervistë me “Le Parisien” të botuar të shtunën, Macron jo vetëm që parashikoi rezultatin 3-1, por madje parashikoi me saktësi edhe golashënuesit.
“Lewandoëski do të shënojë një, ashtu edhe Mbappé ose ndoshta Giroud, i cili dëshiron të bëjë histori”, ka thënë kryeministri, sipas Independent.
Macron ka thënë se do të udhëtojë në Katar nëse Franca arrin në fazën gjysmëfinale, pasi ata kërkojnë të mbrojnë trofeun që fituan në Rusi katër vjet më parë. Franca kaloi në çerekfinale, ku do të përballet me Anglinë. /Liberale.al
