Showbiz

Një shishe e uiskit më të kërkuar në botë shitet për 2.7 milionë dollarë

Shkruar nga Liberale

Për ata që shijojnë dhe janë të apasionuar pas luksit, një shishe e uiskit skocez më të kërkuar në botë u shit për më shumë se 2.1 milionë paund (2.7 dollarë milion) të shtunën në Sotheby's në Londër.

Sotheby's kishte pritur që shishja të kapte vlerën midis 750,000 dhe 1,2 milionë paund, por ishte në tronditje kur shishja e çmuar u shit për 2,187,500 paund (2,724,967 dollarë), duke e bërë atë një "rekord të ri të pijeve alkoolike ose verave të shitura në ankand”, tha shtëpia e ankandit për agjencinë e lajmeve AFP.

Shishja The Macallan e 1926, u zbulua në Sotheby's më 19 tetor 2023 në Londër. Pasi u vjetërua në fuçi sheri për gjashtë dekada, vetëm 40 shishe The Mcallan 1926 u nxorën në vitin 1986.

Mcallan Adami 1926 është një nga 12 shishet në seri me një etiketë të dizenjuar nga artisti italian Valerio Adami dhe është shishja e parë që iu nënshtrua rikonstruksionit nga The Mcallan Distillery përpara se të paraqitej në ankand në Sotheby's në Londër më 18 nëntor 2023.

[caption id="attachment_1399065" align="alignnone" width="1706"] Kjo shishe The Macallan 1926, është një nga 12 që janë etiketuar nga piktori italian Valerio Adami.[/caption]

Përpara shitjes, kreu i uiskit i Sotheby's, Jonny Fowle i tha AFP se kishte provuar një mostër të vogël.

"Kam shijuar një pikë të vogël - një pikë të vogël - të kësaj. Është shumë i pasur, ka shumë fruta të thata siç do të prisnit, shumë erëza, shumë dru”, tha ai, duke e quajtur një uiski “të jashtëzakonshëm” që nuk duhet marrë lehtë.

Nga 40 shishet e mbushura në vitin 1986, asnjë nuk u vu në dispozicion për blerje, ku disa u ofrohen klientëve kryesorë të The Macallan, një luks që shton tërheqjen e tij, siç dëshmohet në shitjet e mëparshme të shisheve.

Në vitin 2019, Sotheby's shiti një shishe The Macallan 1926 të stolisur me një nga 14 etiketat Fine dhe Rare, për 1.5 milion paund (1.9 milion dollarë), duke e bërë atëherë shishen më të shtrenjtë të verës ose pijeve alkoolike të shitur ndonjëherë në ankand./Liberale.al

Liberale Newsroom

Poll
SHQIPENGLISH