Aktualitet

Ngjarja në QS, reagon Basha: T'i vënë gishtin kokës, ata që kanë...

Shkruar nga Liberale
Ngjarja në QS, reagon Basha: T'i vënë gishtin kokës,

Kryetari i Partisë Demokratike, Lulzim Basha ka reaguar në lidhje me incidentin e ndodhur mbrëmjen e djeshme në Qytetin Studenti, ku një punonjëse e konviktit i kërkoi të largohej, pasi nuk lejohej të qëndronte brenda godinave.

Në një postim në Facebook, Basha shkruan se ngjarja e mbrëmshme tregon realitetin me të cilin po përballet Shqipëria dhe se drejtuesit kanë zgjehdur rrugën e kërcënimit për t'ju mbyllur gojën.

"Ju bëj thirrje atyre që kanë zgjedhur rrugën e kërcënimeve dhe intimidimeve që ti vënë gishtin kokës. Askush dhe asgjë nuk do ti ndalë njerëzit që të dëgjohen dhe ta thonë fjalën e tyre", shkruan Basha.

Kujtojmë që në lidhje me këtë ngjarje, reagoi edhe Bashkia e cila e akuzonte Bashën për dhunë ndaj punonjëses.

Njoftimi i plotë

Ngjarjet e mbrëmshme janë një pasqyrë e qartë e realitetit me të cilën përballet Shqipëria.

Mbrëmë isha ftuar nga disa studentë për të parë si jetojnë dhe për të dëgjuar shqetësimet e tyre. Studentët tanë janë e ardhmja e këtij vendi, shqetësimet e tyre janë shqetësimet tona.

Kjo është rruga që kemi zgjedhur ne. Rruga e të dëgjuarit, rruga e përfaqësimit të vërtetë të të gjithë shqiptarëve.

Kur mbërritëm në godinë u takuam me një punonjëse të konviktit, e cila na kërkoi të largoheshim. Kjo porosi erdhi nga lart.

Kjo në fakt është rruga tjetër. Rruga e frikësimit dhe kërcënimit të njerëzve për t'ju mbyllur gojën dhe për ti mbajtur të nënshtruar e nën kontroll.

Për mua politikanët duhet të jenë shërbëtorë të popullit, jo e kundërta. Prandaj nuk do të lejoj askënd që të më pengojë të dëgjoj problemet e bashkëqyetarëve të mi dhe të përpiqem t'i ndihmoj ata. Kjo është arsyeja pse u bëra pjesë e jetës publike.

Ju bëj thirrje atyre që kanë zgjedhur rrugën e kërcënimeve dhe intimidimeve që ti vënë gishtin kokës. Askush dhe asgjë nuk do ti ndalë njerëzit që të dëgjohen dhe ta thonë fjalën e tyre./Gazeta Liberale

Liberale Newsroom

Poll
SHQIPENGLISH