Aktualitet

Në kërkim për transportim të emigrantëve të paligjshëm, arrestohet 30-vjeçari

Shkruar nga Liberale
Në kërkim për transportim të emigrantëve të

Një 30 vjeçar është arrestuar nga policia e Elbasanit, pasi ishte shpallur në kërkim për transportimin e shtatë emigrantëve, për kalim të paligjshëm të kufirit.

Sipas policisë, bëhet fjalë për rënë 30-vjeçarin me inicialet P.Ç., banues në Berat.

"Finalizohet operacioni policor i koduar “Seven”, për evidentimin dhe goditjen e dhënies ndihmë emigrantëve, kundrejt fitimit, për kalim të paligjshëm të kufirit. Kapet dhe vihet në pranga 30-vjeçari i shpallur në kërkim për transportimin e 7 emigrantëve, për kalim të paligjshëm të kufirit. Seksioni për Hetimin e Trafiqeve të Paligjshme të DVP Elbasan, në bashkëpunim me Komisariatin e Policisë Poliçan, në vijim të operacioneve të njëpasnjëshme për evidentimin dhe goditjen e aktivitetit kriminal të dhënies ndihmë shtetasve të huaj, kundrejt fitimit, për kalim të paligjshëm të kufirit, si dhe mbështetur nga inteligjenca informative, kanë finalizuar operacionin policor të koduar “Seven”, si rezultat i të cilit u kap dhe u vu në pranga shtetasi P. Ç., 30 vjeç, banues në Poliçan, Berat", thuhet në njoftimin e policisë.

Sipas bluve, 30-vjeçari u shpall në kërkim, pasi transportonte kundrejt fitimit, me automjetin e tij, 7 emigrantë nga vendet e treta, me qëllim kalimin e paligjshëm të kufirit.

"Ky shtetas, duke përfituar nga kushtet e errësirës, mbrëmjen e datës 12.09.2022, u largua menjëherë nga vendngjarja sapo evidentoi mbërritjen e punonjësve të Policisë. Materialet procedurale i kaluan Prokurorisë pranë Gjykatës së Shkallës së Pare Elbasan, për veprime të mëtejshme", thuhet më tej. /Liberale.al

Liberale Newsroom

Poll
SHQIPENGLISH