Aktualitet

Ndarja nga jeta e Ahmet Golemit, Meta: Sfidoi në “duel” edhe regjimin

Shkruar nga Liberale
Ndarja nga jeta e Ahmet Golemit, Meta: Sfidoi në “duel” edhe

Presidenti Ilir Meta ka reaguar për lajmin e ndarjes nga jeta të boksierit dhe komentatorit të njohur sportiv, Ahmet Golemi. Presidenti e ka cilësuar Golemin si intelektual të ringut dhe si “Kasus Klejin shqiptar”.

Sipas Metës, Ahmet Golemi do të mbetet një “universitet për brezat e sportistëve të rinj.

I hidhur dhe i rëndë lajmi për ndarjen nga jeta të intelektualit të ringut, “Kasus Klejit shqiptar”, Ahmet Golemi. Pioner i boksit tonë profesionist, pesë herë kampion dhe katër herë nënkampion, ai sfidoi në “duel” edhe vetë regjimin në emër të mbrojtjes së pasionit të tij, për t’u ringritur sërish më i fortë si shkrimtar i talentuar, gazetar dhe komentator i papërsëritshëm dhe shumë i dashur sportiv.

Mjeshtri i Madh Ahmet Golemi do të mbetet një “universitet” për brezat e sportistëve të rinj shqiptarë, intelektual i rrallë dhe qytetar aktiv, roli i të cilit në çdo pozitë që luajti dhe mbajti, vështirë të zëvendësohet.

Duke ndarë dhembjen e madhe dhe ngushëllimet më të ndjera me familjen e Tij, miqtë e kolegët, gjendem sot pranë tyre në këto momente të vështira.

Pusho në paqe Mjeshtër! Përherë i paharruar kujtimi yt!”, shkruan Meta.

Liberale Newsroom

Poll
SHQIPENGLISH