Economicus

Mjekia pediatre flet për virozat: Prindërit të shmangin antibiotikët për fëmijët e tyre, të kenë kujdes mirëushqyerjen dhe vitaminat

Shkruar nga Liberale
Mjekia pediatre flet për virozat: Prindërit të shmangin

E ftuar në rubrikën “Opinion” në Neës24, mjekja Adriana Ilias foli për virozat e stinës, që prekin fëmijët.

Ajo tha se deri më tani pjesa më e madhe e fëmijëve është prekur nga gripi stinor, dhe pak janë rastet që rezultojnë me Covid-19.

“Në përgjithësi gripi stinor dhe raste të rralla prej Covid, tek fëmijët. Ka pasur raste kur gripi stinor ka lënë pasoja, ndërlikime. Sot në klinikë në turnin tim janë paraqitur 50 fëmijë. Simptomat janë kollë, rrufë, temperaturë që zgjat përgjithësisht 3 ditë, por mund të shkojnë edhe në 7 ditë", tha ajo.

Këshilla e saj për prindërit është që të shmangin antibiotikët dhe t’u rrisin imunitetin fëmijëve përmes mirëushqyerjes dhe vitaminave.

“Ne duhet të jemi parandalues, jo t’i ngarkojmë më antibiotikë, sepse në vend që ta shërojë e vret. Duhet që nënat të kenë kujdes. 72 orët e para duhet t’i mbani në shtëpi, vetëm antipiretik, por nëna nuk respektojnë dhe dozën e tyre dhe u japin minimum paracetamoli dhe dominon ibuprofeni, por ky i fundit ka efekte anësore. Zakonisht viroza kap më shumë moshën 1-3 vjeç. Në këtë moshë prindërit duhet të kujdesen më shumë për fëmijët. Nëse fëmija ushqehet mirë, ne japim një multivitaminë për të rritur imunitetin, por supa është shumë e rëndësishme”, u shpreh mjekja.

Liberale Newsroom

Poll
SHQIPENGLISH