Aktualitet

Meta nga Reçaku: Drejtësia të çohet deri në fund, të bashkohemi...

Shkruar nga Liberale
Meta nga Reçaku: Drejtësia të çohet deri në fund,

Presidenti i Shqipërisë Ilir Meta ka marrë pjesë në ceremoninë përkujtimore për 21 vjetorin e masakrës së Reçakut, ku mbetë të vrarë 45 shqiptarë.

Përkrah homologut Thaçi, Meta tha se drejtësia duhet të çohet deri në fund për autorët dhe organizatorët e kësaj ngjarje. Në fund ai bëri një apel për bashkim ndaj vlerave europiane që këto ngjarje mos përsëriten më në rajon.

"Ishte një përgjegjësi për të qenë sot këtu, së bashku me presidentin e Kosovës Hashim Thaci dhe gjithë ju, për t'u përkuluar përpara kujtimit të fëmijëve të moshuarve dhe banorëve të Recakut të masakruar barbarisht 21 vite më parë. Ky akt s’mund të përmbyllej më saktë sesa me tre fjalë nga ambasadori Walker 21 vite më parë.

Shokoi mbarë botën dhe vendosi në lëvizje diplomacinë botërore, përmes Konferencës së Rambujës për të ndalur luftën dhe për të gjetur zgjidhjen. Dhe më pas me ndërhyrjen e NATO-s. Këto akte me të gjitha zvhillimet dhe pasojat e saj tregoi se liria dhe dinjiteti njerëzor triumfon ndaj gjenocidit, dhunës dhe barbarizmit. Kjo solli dhe drejtësinë ndërkombëtare përmes lirisë dhe pavarësisë së Kosovës.

Të çohet deri në fund drejtësia për autorët dhe organizatorët e këtij krim kundër njerëzimit. Duhet të qëndrojmë për vlerat europiane për të cilat po përpiqemi. Vetëm një e ardhme e përbashkët europiane mund të ndalojë ripërsëritjen e këtyre ngjarjeve", u shpreh Presidenti./Gazeta Liberale

[gallery columns="1" gss="1" size="full" ids="1118311,1118307,1118306,1118309,1118310,1118312,1118313,1118314,1118315,1118316,1118317,1118308"]

Liberale Newsroom

Poll
SHQIPENGLISH